શું T20માં કોહલી અને રોહિત શર્મા કારકિર્દી ખતમ? કોચ દ્રવિડે આપ્યા મોટા સંકેત

રાહુલે સ્પષ્ટપણે કહ્યું કે શ્રીલંકા પાસે અનુભવી પ્લેઈંગ ઈલેવન છે જ્યારે બે મહિના પહેલા યોજાયેલા ટી20 વર્લ્ડ કપની સરખામણીમાં ભારતે પોતાની ટીમને સંપૂર્ણપણે બદલી નાખી છે. તેણે સ્પષ્ટ કહ્યું કે અમે આગામી ટી20 વર્લ્ડ કપ માટે ટીમને તૈયાર કરી રહ્યા છીએ. પુણે. ભારત અને શ્રીલંકા વચ્ચે ત્રણ T20 મેચોની સીરીઝ રમાઈ રહી છે. અત્યાર સુધીમાં બે મેચ રમાઈ છે. બંને ટીમોએ એક-એક મેચ જીતી છે. શ્રીલંકા સામેની ભારતીય ટીમમાં ઘણા મોટા ફેરફાર કરવામાં આવ્યા છે. વિરાટ કોહલી, કેએલ રાહુલ અને રોહિત શર્મા જેવા વરિષ્ઠ ખેલાડીઓને શ્રીલંકા સામેની ટી-20 મેચમાં જગ્યા આપવામાં આવી નથી. ત્યારપછી આ ત્રણેય ખેલાડીઓને લઈને પણ અનેક સવાલો ઉભા થઈ રહ્યા છે. સવાલ એ પણ છે કે શું આ ત્રણેય ખેલાડીઓની ટી-20માં કારકિર્દી ખતમ થઈ ગઈ છે?

આ સંદર્ભમાં ભારતીય ટીમના મુખ્ય કોચ અને પૂર્વ ક્રિકેટર રાહુલ દ્રવિડનું મોટું નિવેદન આવ્યું છે. રાહુલ દ્રવિડે કહ્યું કે યુવા ખેલાડીઓ ખૂબ જ પ્રતિભાશાળી છે અને શીખવાનો પ્રયાસ કરી રહ્યા છે. તે સરળ નથી. આંતરરાષ્ટ્રીય ક્રિકેટમાં શીખવું બિલકુલ સરળ નથી. આપણે તેમની સાથે ધીરજ રાખવી પડશે. રાહુલે સ્પષ્ટપણે કહ્યું કે શ્રીલંકા પાસે અનુભવી પ્લેઈંગ ઈલેવન છે જ્યારે બે મહિના પહેલા યોજાયેલા ટી20 વર્લ્ડ કપની સરખામણીમાં ભારતે પોતાની ટીમને સંપૂર્ણપણે બદલી નાખી છે. તેણે સ્પષ્ટ કહ્યું કે અમે આગામી ટી20 વર્લ્ડ કપ માટે ટીમને તૈયાર કરી રહ્યા છીએ. રાહુલે કહ્યું કે આ ટી20 સીરીઝ પહેલા અમે વર્લ્ડ કપની સેમીફાઈનલમાં ઈંગ્લેન્ડ સામે છેલ્લી ટી20 મેચ રમી હતી. હાલમાં તે ટીમના માત્ર ત્રણ-ચાર ખેલાડીઓ જ ટીમમાં હાજર છે. અમે આગામી ટી20 માટે ટીમ પર કામ કરી રહ્યા છીએ. અમારી ટીમ એકદમ નવી છે. તમને જણાવી દઈએ કે શ્રીલંકા સામે બીજી T20 મેચમાં મળેલી હાર બાદ અનેક સવાલો ઉભા થઈ રહ્યા છે. પરંતુ કોચ રાહુલ દ્રવિડે યુવા ખેલાડીઓનો બચાવ કર્યો છે.

See also  લક્ઝુરિયસ કારે યુવકને 12 કિમી ઢસડ્યો, બે દિવસ બાદ મળ્યો હતો મૃતદેહ

આ સિવાય રાહુલ દ્રવિડે આ વર્ષે ભારતમાં યોજાનાર ODI વર્લ્ડ કપ વિશે પણ વાત કરી હતી. તેણે કહ્યું કે હવે ધ્યાન ભારતમાં યોજાનાર ODI વર્લ્ડ કપ પર છે. દ્રવિડનું માનવું છે કે વધુને વધુ યુવાનોને T20 રમવાની તક આપવાનો આ યોગ્ય સમય છે. તેણે કહ્યું કે સારી વાત એ છે કે આ વર્ષે વનડે વર્લ્ડ કપ યોજાવાનો છે. તેના પર વધુ ધ્યાન આપવામાં આવશે. ત્યારબાદ વર્લ્ડ ટેસ્ટ ચેમ્પિયનશિપ છે. આવી સ્થિતિમાં ટી-20 મેચમાં યુવાઓને તક આપી શકાય છે. ભારતે આ શ્રેણીમાં શિવમ માવી, ઉમરાન મલિક, શુભમન ગિલ અને રાહુલ ત્રિપાઠી જેવા યુવા ખેલાડીઓને તક આપી હતી. દ્રવિડે કહ્યું કે તેને તકો આપવા ઉપરાંત તેને સપોર્ટ કરવાની પણ જરૂર છે. આપણે તેમની સાથે ધીરજ રાખવી પડશે. આપણે એ પણ સમજવું પડશે કે આવી મેચો આવશે.