દેશમાં બિઝનેસ (Business) શરૂ કરવા માટે બેંક તરફથી લોન લેવાનું વધુ સરળ થઈ શકશે. મોદી સરકાર તેના માટે મોટા પાયે કામ કરી રહી છે. સરકાર ટૂંક સમયમાં જ ક્રેડિટ કાર્ડ (Credit Card) ની માફક વેપાર ક્રેડિટ કાર્ડ (Business Credit Card) જાહેર કરવાની તૈયારીમાં છે. વેપારી ક્રેડિટ કાર્ડ દ્વારા નાના વેપારીઓને સરળાથી કંઈ પણ વસ્તુ ગિરવે રાખ્યા વિના લોન આપવાની તૈયારી કરી રહી છે. સરકાર તેને રાષ્ટ્રીય સ્તર પર ટૂંક સમયમાં લોન્ચ કરી શકે છે.
જેમને બિઝનેસ ક્રેડિટ કાર્ડ (Business Credit Card) મળે છે
સમિતિએ MSME મંત્રાલયના પોર્ટલ પર નોંધાયેલા ઉદ્યોગસાહસિકોને જ બિઝનેસ ક્રેડિટ કાર્ડ (Business Credit Card) આપવાની ભલામણ કરી છે. હજુ પણ લાખો ઉદ્યોગો એવા છે જે આ પોર્ટલ પર નોંધાયેલા નથી. વ્યાપર ક્રેડિટ કાર્ડની શરૂઆત સાથે આ સાહસિકો એન્ટરપ્રાઈઝ પોર્ટલ સાથે પણ જોડાઈ જશે. બિઝનેસ ક્રેડિટ કાર્ડ જારી થવાથી કરિયાણાની દુકાનદારો અને સલૂન માલિકો પણ આર્થિક મદદ મેળવી શકશે.
આપને જણાવી દઈએ કે, કોરોના મહામારી દરમિયાન સૌથી વધુ નાના અને મધ્યમ વેપારીઓને ફટકો પડ્યો હતો. તેથી સરકાર બિઝનેસ ક્રેડિટ કાર્ડ લોન્ચ કરી રહી છે, જેથી તેમને મદદ કરી શકાય. સંસદની સ્થાયી સમિતિએ તેની ભલામણ કરી છે. સુત્રો પાસેથી મળતી માહિતી મુજબ સરકારે આ પ્રસ્તાવને સ્વીકારી લીધો છે અને ટૂંક સમયમાં લીલી ઝંડી આપવામાં આવી શકે છે.
બેંક લોન (Bank Loan) ની રકમ નક્કી કરશે
એક રિપોર્ટ અનુસાર દેશમાં કુલ 6.30 કરોડ નાના પાયાના અને 3.32 લાખ નાના ઉદ્યોગો છે. કમિટીએ ભલામણ કરી છે કે બેંકો નક્કી કરશે કે કોઈપણ ઉદ્યોગસાહસિક કે ઉદ્યોગપતિને કેટલી લોન આપવી જોઈએ. વ્યાપર ક્રેડિટ કાર્ડ દ્વારા નાના વ્યવસાયોને લોયલ્ટી પોઈન્ટ્સ, રિવોર્ડ કેશ બેક અને અન્ય લાભો પણ આપી શકાય છે.