શું તમે જાણો છો પાલકનો જ્યૂસ હેલ્થ અને સ્કિન માટે બહુ ફાયદાકારક છે? મોટાભાગના લોકો આ વાતથી અજાણ છે. પાલકમાં રહેલા અનેક ગુણો તમારી બોડીમાં રહેલા રોગોને દૂર કરવાનું કામ કરે છે. પાલકનો જ્યૂસ સ્વાસ્થ્ય માટે જેટલો સારો છે એટલો જ એ સ્કિન માટે પણ ગુણકારી છે. આ જ્યૂસ રેગ્યુલર પીવો છો તો આંખોની રોશની વધે છે અને સાથે આ તકલીફો પણ દૂર થાય છે.
- ઇમ્યુનિટી વધારવા માટે પાલકનો જ્યૂસ સૌથી બેસ્ટ છે. ઇમ્યુનિટી તમારી ડાઉન થઇ જાય એટલે તાવ આવવો, શરીરમાં નબળાઇ આવવી, કંટાળો આવવો..જેવી અનેક સમસ્યાઓ થતી હોય છે. જો તમે પણ થોડુ કામ કરો અને થાકી જાવો છો તો પાલકનો જ્યૂસ તમારા માટે એક બેસ્ટ ઓપ્શન છે. આ જ્યૂસ પીવાથી તમારી ઇમ્યુનિટી વધે છે અને સાથે-સાથે તમને લાગતો થાક પણ ઓછો થઇ જાય છે.
- પાલકનો જ્યૂસ પીવાથી તમારા હાડકા મજબૂત થાય છે. આ માટે ઘરમાં રહેલા બાળકોને પણ આ જ્યૂસ પીવડાવવો જોઇએ. પાલકના જ્યૂસમાં કેલ્શિયમ અને એન્ટી ઓક્સિડન્ટ ગુણ હોય છે જે હાડકાંને મજબૂત કરવાનું કામ કરે છે.
- જો તમે વજન ઘટાડવા ઇચ્છો છો તો પાલકનો જ્યૂસ તમારા માટે એક બેસ્ટ ઓપ્શન છે. આ જ્યૂસ તમારું વજન ઘટાડવામાં મદદરૂપ થાય છે. પાલકના જ્યૂસમાં ફાઇબરનું પ્રમાણ વધુ હોય છે અને કેલરી ઓછી હોય છે. આ માટે તમે રોજ સવારમાં પાલકનો જ્યૂસ પીવો. તમારું વજન ઘટવા લાગશે.
- ખાસ કરીને ઋતુ બદલાય એટલે તમે પાલકનો જ્યૂસ પીવાનું શરૂ કરી દો. આ જયૂસ તમને અનેક પ્રકારના વાયરલ ઇન્ફેક્શનથી બચાવવાનું કામ કરે છે.
- તમને કબજીયાતની તકલીફ છે તો તમારા માટે પાલકનો જ્યૂસ સૌથી બેસ્ટ ઓપ્શન છે. પાલકનો આ જ્યૂસ તમારી પાચન ક્રિયાની સિસ્ટમને રેગ્યુલર બનાવવાનું કામ કરે છે. આ માટે તમે રોજ સવારમાં ઉઠીને પહેલા પાલકનો જ્યૂસ પી લો.