ઠંડીનું પ્રમાણ વધવાની સાથે જ દેશના અનેક રાજ્યોમાં શીતલહેરએ દસ્તક આપી છે. તાપમાનમાં પણ ઘટાડો નોંધાઈ રહ્યો છે. રવિ પાકનું વાવેતર કરનારા ખેડૂતો માટે આ સમાચાર ખુશખબરી આપનાર છે. આ પહેલા ખેડૂતો થોડા ચિંતિત હતા. ડિસેમ્બરના શરૂઆતના દિવસો સામાન્ય કરતા વધુ ગરમ હતા. આવી સ્થિતિમાં રવિ પાક નિષ્ફળ જવાની કે ઉપજમાં ઘટાડો થવાની ચિંતા ખેડૂતોમાં હતી. વિરમગામ, માંડલ અને દેત્રોજ-રામપુરા સહીત પંથકમાં છેલ્લા કેટલાક દિવસથી ગરમીનું પ્રમાણ વધુ જોવા મળતું હતુ, નવેમ્બર માસના 15 દિવસ થવા છતાં ઠંડી નહી પડતા શિયાળુપાક માટે ખેડુતો ઠંડીની રાહ જોઇ રહ્યા હતા, શનિવારથી વાતાવરણ બદલાયું અને અચાનક ઠંડીની શરૂઆત થઇ છે.
છેલ્લા બે દિવસથી સમગ્ર પંથકમાં ગરમી ઘટી છે. પંથકવાસીઓ ગરમ સ્વેટર, જેકેટ, મફલર, શાલ જેવા ગરમ વસ્ત્રોનો સહારો લઇ રહ્યા છે. કેટલાક વિસ્તારોમાં નર્મદાના નીર વહેતા થયા છે. ઠંડીનું પ્રમાણ વધતા ખેડુતો પાક માટે લાગી ગયા છે. આણંદ જિલ્લા ખેતીવાડી વિભાગના જણાવ્યા અનુસાર આણંદ જિલ્લામાં દર વર્ષે સરેરાશ 1 .72 લાખ હેકટરમાં રવી પાકનું વાવેતર થાય છે. ગત વર્ષની તુલનામાં ચાલુ વર્ષે ત્રણ હજાર હેકટર જમીનમાં વાવેતર વધ્યું છે. સરેરાશ વાતવેર કરતાં 4 હજાર હેકટરમાં વાવેતર ઘટયું છે. હાલમાં ખેડૂતો શાકભાજી તરફ વળ્યાં છે. જેના કારણે શાકભાજીનું વાવેતર ગત વર્ષ કરતાં 4407 હેકટર વધ્યું છે. જો કે આ ઠંડી ટામેટા, રીંગણ, ભીંડા, કોબી, મૂળા જેવા પાકને અસર કરી શકે છે.
ઠંડીના કારણે શાકભાજીના છોડ કાળા થવા લાગે છે. કેટલાક ઉપાયોથી ખેડૂતો તેમના પાકને ઠંડીના કારણે નુકસાન થતા બચાવી શકે છે. તેનાથી બચવા માટે ખેડૂતો અનેક પ્રકારના ઉપાયો પણ અમલમાં મૂકી શકે છે. તમે છોડને ઠંડીથી બચાવવા માટે તેને પ્લાસ્ટિકની શીટથી ઢાંકી શકો છો. જો કે આ એક ખર્ચાળ ટેકનોલોજી છે. દરેક ખેડૂત આ ટેકનિક અપનાવી શકે તેમ નથી. કેટલાંક તાલુકામાં ગુબાલ, હજારી ગલગોટાની ખેતીમાં વધારો થયો છે. ગત વર્ષે ડિસેમ્બર મહિનામાં 1,66,792 હેકટર વિસ્તારમાં વાવેતર થયું હતું .તેની સામે ચાલુવર્ષે 1,69,822 હેકટરમાં વાવેતર થયું છે. આમ ત્રણ હજાર હેકટરમાં વાવેતર વધ્યું છે.
સરસવ, ઘઉં, ચોખા, બટાકા અને વટાણા જેવા પાકોને હિમથી બચાવવા માટે સલ્ફર (સલ્ફર)નો છંટકાવ કરવાથી રાસાયણિક પ્રવૃત્તિ વધે છે અને હિમથી રક્ષણ ઉપરાંત છોડને સલ્ફર તત્વ પણ મળે છે. સલ્ફર છોડમાં રોગપ્રતિકારક શક્તિ વધારવા અને પાકને વહેલા પાકવામાં પણ મદદરૂપ છે. લાંબા ગાળાના પગલા તરીકે પાકને બચાવવા માટે રોઝવૂડ, બાવળ અને જામુન વગેરે જેવા હવા અવરોધક વૃક્ષો ખેતરની ફરતે રોપવા જોઈએ, જે પાકને હિમ અને ઠંડા મોજાથી રક્ષણ આપે છે.