ઈસ્લામાબાદથી લાહોર જઈ રહેલી બસ રવિવારે મોડી રાત્રે લાહોરથી લગભગ 240 કિલોમીટર દૂર કલ્લાર કહાર સોલ્ટ રેન્જ વિસ્તારમાં પલટી ગઈ હતી. ઇમરજન્સી રેસ્ક્યૂ સર્વિસ ‘રેસ્ક્યૂ 1122’એ જણાવ્યું કે બ્રેક ફેલ થવાને કારણે આ અકસ્માત થયો હતો. ફારુકે કહ્યું કે મૃતકો અને ઘણા ઘાયલોને બસને કાપીને બહાર કાઢવામાં આવ્યા હતા. લાહોર. પાકિસ્તાનના પંજાબ પ્રાંતમાં લગ્નના સરઘસ લઈ જતી એક ઝડપી બસ ખાડીમાં પડતાં ઓછામાં ઓછા 15 લોકોનાં મોત થયાં અને 60 અન્ય ઘાયલ થયા. અધિકારીઓએ સોમવારે આ જાણકારી આપી.
ઈસ્લામાબાદથી લાહોર જઈ રહેલી બસ રવિવારે મોડી રાત્રે લાહોરથી લગભગ 240 કિલોમીટર દૂર કલ્લાર કહાર સોલ્ટ રેન્જ વિસ્તારમાં પલટી ગઈ હતી. બચાવ સેવાના અધિકારી મુહમ્મદ ફારૂકે સોમવારે જણાવ્યું હતું કે, “બસ પલટી જતા પહેલા વિરુદ્ધ દિશામાંથી આવતા ત્રણ વાહનો સાથે અથડાઈ હતી અને ખાડીમાં પડી હતી,” બસ લગ્ન સમારોહમાંથી પરત ફરી રહેલા લોકોને લઈ જઈ રહી હતી. ઇમરજન્સી રેસ્ક્યૂ સર્વિસ ‘રેસ્ક્યૂ 1122’એ જણાવ્યું કે બ્રેક ફેલ થવાને કારણે આ અકસ્માત થયો હતો. ફારુકે કહ્યું કે મૃતકો અને ઘણા ઘાયલોને બસને કાપીને બહાર કાઢવામાં આવ્યા હતા.
“ઘાયલોને રાવલપિંડી અને ઈસ્લામાબાદની હોસ્પિટલમાં લઈ જવામાં આવ્યા છે, જ્યાં તેમાંથી 11ની હાલત ગંભીર છે,” તેમણે કહ્યું. તેમણે કહ્યું કે મૃતકોમાં છ મહિલાઓનો સમાવેશ થાય છે. પાકિસ્તાનના વડાપ્રધાન શાહબાઝ શરીફે આ દુર્ઘટના પર શોક વ્યક્ત કર્યો છે. તેમણે અધિકારીઓને ઘાયલોને વધુ સારી તબીબી સુવિધા આપવાનો નિર્દેશ આપ્યો હતો.