શિયાળાની ઋતુ હવે પોતાના પીક ઉપર ચાલી રહી છે અને ઠંડી દિવસ અને દિવસે વધતી જાય છે. ઠંડીના દિવસોમાં પોતાના સ્વાસ્થ્યનો વિશેષ ધ્યાન રાખવું જોઈએ અને આ ઋતુમાં ઘણા બધા પ્રકારની બીમારી આપણા શરીરને જકડી લે છે, એવામા ઠંડીના સિઝનમાં એવી વસ્તુ વધુ ખાવી જોઈએ જે આપણા શરીરને ગરમાવો આપે અને તેની સાથે જરૂર પ્રતિકારક શક્તિને પણ મજબૂત કરે.
ઠંડીની ઋતુમાં શરીરમાં ગરમાવો આવવો જરૂરી છે, તેની સાથે સાથે રોગ પ્રતિકારક શક્તિ મજબૂત હોવી જરૂર છે. રોગ પ્રતિકારક શક્તિ મજબૂત હોય તો વ્યક્તિ વારંવાર બીમાર પડતી નથી તથા કોઈપણ પ્રકારનું ઈન્ફેક્શન થતું નથી. રોગ પ્રતિકારક શક્તિ મજબૂત કરવા માટે શિયાળામાં તલના લાડુ નું સેવન કરવું જ જોઈએ. શિયાળામાં તલના લાડુનું સેવન કરવાથી રોગ પ્રતિકારક શક્તિમાં વૃદ્ધિ થાય છે ઉપરાંત શરીરને અનેક પ્રકારના લાભ પ્રદાન કરે છે. સાંધાના દુખાવામાં રાહતઠંડીમાં ઘણા લોકોને શરીરમાં દુખાવો અથવા તો સાંધામાં દુખાવાની તકલીફ રહે છે, જેમકે અમે તમને કહ્યું કે તલ અને ગોળના લાડુ હાડકાને મજબૂત કરે છે તેની સાથે જ સાંધામાં થતા દુખાવામાં પણ ખૂબ જ રાહત અપાવે છે. તેથી જ તમે આજથી જ તેનું સેવન શરૂ કરી દો.
તલ અને ગોળમાં તમામ પ્રકારના પોષકતત્વો રહેલા છે, જે સ્વાસ્થ્યને અનેક પ્રકારના લાભ પ્રદાન કરે છે. તલમાં ઝિંક, આયર્ન, વિટામીન B6, વિટામીન ઈ અને સેલેનિયમ જેવા પોષકતત્વો રહેલા છે. ગોળમાં કેલ્શિયમ, ફોસ્ફરસ, મેગ્નીશિયમ, પોટેશિયમ, ફોલિક એસિડ અને આયર્ન જેવા પોષકતત્વો રહેલા છે. જેનાથી શિયાળામાં શરીર એકદમ ફિટ અને તંદુરસ્ત રહે છે. અહીં તલના લાડુના લાભ વિશે માહિતી આપવામાં આવી છે. અસ્થમામાં લાભકારીઠંડીના દિવસોમાં અસ્થમા ના દર્દીઓને ખૂબ જ તકલીફ પડે છે અને તેમની છાતી સંકોચાવા લાગે છે.
ઘણી વખત દુખાવો પણ થાય છે, એવામાં તમે તલ અને ગોળના લાડુ બનાવીને તેમાં રાહત મેળવી શકો છો. તે તમારા શરીરમાં ગરમી બનાવી રાખશે અને તેનાથી તમારા છાતીમાં જે સંકોચાવાનો અનુભવ થાય છે તે દૂર થઈ જશે. શિયાળામાં અનેક લોકોને શરીરમાં સોજો આવવાની સમસ્યા થતી હોય છે. તલના લાડુનું સેવન કરવાથી આ પ્રકારની સમસ્યા દૂર થાય છે. જો તમને શરીરમાં કોઈપણ પ્રકારનો સોજો આવે છે અથવા દુખાવો થઈ રહ્યો છે, તો તમારે તલના લાડુનું જરૂરથી સેવન કરવું જોઈએ.