જીસીએમએમએફ એ રાજ્યની દૂધ સહકારી સંસ્થાઓની સૌથી મોટી સંસ્થા છે.સામાન્ય રીતે જીસીએમએમએફ દૂધના ભાવમાં વધારો કરવાની જાહેરાત અગાઉથી જ કરે છે, પરંતુ આ વખતે એવું થયું નથી. ઘાસચારા અને ટ્રાન્સપોર્ટના ખર્ચમાં વધારો થવાને કારણે દૂધ ઉત્પાદકતાના ખર્ચમાં વધારો થતાં ભાવમાં વધારો કરવામાં આવ્યો હોવાનું સૂત્રો દ્વારા જાણવા મળે છે.
નવો મહિનો શરૂ થયો છે પરંતુ જનતાને મોંઘવારીના કરંટનો અનુભવ થયો છે. ગુજરાત કોઓપરેટિવ મિલ્ક માર્કેટિંગ ફેડરેશન (GCMMF) એ શનિવારે રાજ્યમાં અમૂલ દૂધના ભાવમાં પ્રતિ લિટર રૂ. 2નો વધારો કર્યો છે. ડિસેમ્બર 2022માં રાજ્યની વિધાનસભા ચૂંટણી પછી દૂધના ભાવમાં આ પ્રથમ વધારો છે.
જીસીએમએમએફ એ રાજ્યની દૂધ સહકારી સંસ્થાઓની સૌથી મોટી સંસ્થા છે.સામાન્ય રીતે જીસીએમએમએફ દૂધના ભાવમાં વધારો કરવાની જાહેરાત અગાઉથી જ કરે છે, પરંતુ આ વખતે એવું થયું નથી. ઘાસચારા અને ટ્રાન્સપોર્ટના ખર્ચમાં વધારો થવાને કારણે દૂધ ઉત્પાદકતાના ખર્ચમાં વધારો થતાં ભાવમાં વધારો કરવામાં આવ્યો હોવાનું સૂત્રો દ્વારા જાણવા મળે છે.
શું હશે નવા ભાવ
અમૂલ ભેંસના દૂધની કિંમત હવે પ્રતિ લિટર રૂ. 68 છે, જ્યારે અમૂલ ગોલ્ડની કિંમત રૂ. 64 પ્રતિ લિટર અને અમૂલ શક્તિ રૂ. 58 પ્રતિ લિટર છે. અમૂલ ગાયના દૂધની કિંમત હવે પ્રતિ લિટર રૂ. 54, અમૂલ તાજા રૂ. 52 પ્રતિ લિટર અને અમૂલ ટી-સ્પેશિયલ રૂ. 60 પ્રતિ લિટર છે.
જ્યારે GCMMF દ્વારા છેલ્લા છ મહિનામાં સમગ્ર ભારતમાં બે વખત અમૂલ દૂધની વિવિધ બ્રાન્ડના ભાવમાં વધારો કરવામાં આવ્યો હતો, ત્યારે ગુજરાતને મુક્તિ આપવામાં આવી હતી. જો કે, રાજ્યમાં વિધાનસભાની ચૂંટણીઓ પહેલાં, અમૂલે ઑક્ટોબર 2022માં પ્રતિ લિટર રૂ. 2 અને પછી ફેબ્રુઆરી 2023માં ગુજરાત સિવાયના તમામ બજારો માટે રૂ. 3 પ્રતિ લિટરનો વધારો કર્યો હતો. ગત વર્ષે પણ કંપનીએ ગુજરાત સહિત સમગ્ર દેશમાં દૂધના ભાવમાં વધારો કર્યો હતો. જ્યારે માર્ચ 2022માં પણ અમૂલ દૂધના ભાવમાં વધારો થયો હતો. નોંધપાત્ર રીતે, અમૂલ દૂધ મુંબઈ, પશ્ચિમ બંગાળ, ગુજરાત અને દિલ્હી-એનસીઆરના બજારોમાં પણ સપ્લાય કરવામાં આવે છે. એક અંદાજ મુજબ કંપની એક દિવસમાં 150 લાખ લિટર દૂધ સપ્લાય કરે છે.