ગુજરાત (Gujrat ): મેગી એક એવી વસ્તુ છે જે નાના બાળકો થી લઇ વૃદ્ધો સુધી હર કોઈની પસંદ હોય છે .આ એક તાત્કાલિક ભૂખ મટાડવા માટેનો ખોરાક છે. જ્યારે પણ લોકોને ખૂબ ભૂખ લાગે છે, ત્યારે તેઓ માત્ર પાણી ગરમ કરે છે અને તેમાં મેગી ઉમેરીને રાંધે છે. આ પ્રક્રિયા માત્ર થોડી મિનિટો લે છે. પરંતુ , કહેવાય છે કે મેગી માત્ર બે મિનિટમાં બની જાય છે. એક સમય હતો જ્યારે મેગીનું એક પેકેટ રૂ.10માં મળતું હતું.
પછી તેની કિંમત વધીને 12 રૂપિયા થઈ ગઈ અને હવે તેની કિંમત વધીને 14 રૂપિયા થઈ ગઈ છે, પરંતુ જરા વિચારો કે જો તમને મેગીનું પેકેટ 180-190 રૂપિયામાં મળવાનું શરૂ થાય તો ????હકીકતમાં મામલો એવો છે કે એક મહિલાએ એરપોર્ટ એટલી મોંઘી મેગી ખાધી કે બિલ જોઈને તે ચોંકી ગઈ. તેણે સોશિયલ મીડિયા પર બિલ શેર કર્યું છે, જેમાં મેગીની કિંમત 193 રૂપિયા છે. બિલ શેર કરતી વખતે, મહિલાએ લખ્યું છે કે ‘કોઈ મેગી જેવી વસ્તુ આટલી ઊંચી કિંમતેકેવી રીતે વેચી શકે’ અને જેને જોઈને લોકોના હોશ ઉડી ગયા.
લોકો માની શકતા નથી કે મેગીની કિંમત આટલી વધી શકે છે. બિલમાં તમે જોઈ શકો છો કે મસાલા મેગીની કિંમત 184 રૂપિયા છે અને GST ઉમેર્યા પછી તેની કિંમત 193 રૂપિયા થઈ ગઈ છે. મેગી ખાધા પછી, મહિલાએ બીલ ની ચૂકવણી કરી અને બિલ લીધા પછી, તેણે પહેલા તેની તસવીર લીધી અને તેને તેના ટ્વિટર આઈડી પર શેર કરી.મહિલાનું નામ સેજલ સૂદ છે. ટ્વિટર પર બિલ શેર કરતાં સેજલે લખ્યું, ‘મેં એરપોર્ટ પરથી મેગી ₹193માં ખરીદી હતી. મને ખબર નથી કે કેવી રીતે પ્રતિક્રિયા આપવી, શા માટે કોઈ મેગી જેવી વસ્તુ આટલી ઊંચી કિંમતે વેચશે. આ બિલ જોયા બાદ લોકો અલગ-અલગ પ્રતિક્રિયા આપી રહ્યા છે.