દીપિકા પાદુકોણે કતરના લુસેલ સ્ટેડિયમમાં હજારો દર્શકોની હાજરીમાં ફીફા વર્લ્ડ કપ ટ્રોફીને લોન્ચ કરી. જ્યારે દીપિકા સ્ટેડિયમ પહોંચી, તો તમામ ભારતીય ઝૂમી ઉઠ્યા. આ ઉપલબ્ધિ હાંસલ કરનારી દીપિકા પહેલી ભારતીય છે. દીપિકાએ ઈવેન્ટમાં એક સ્પેનિશ ફૂટબોલરની સાથે એન્ટ્રી કરી. દીપિકાએ સફેદ શર્ટ, ભૂરા રંગના ઓવર કોટ, કાળો બેલ્ટ અને પોતાની સ્માઈલ સાથે લોકોનું દિલ જીતી લીધું હતું.
મુંબઈઃ દીપિકા પાદુકોણે ભારતનું ફરી ગૌરવ વધારી દીધું છે. તેણીએ ફિફા વર્લ્ડ કપ ટ્રોફીથી પડદો ઉપાડ્યો. ફિફા વર્લ્ડ કપ ટ્રોફીને એક સ્પેશ્યલ કમીશન કરવામાં આવેલી ટ્રકમાં લઈ ગયા હતાં અને તેને લુસેલ સ્ટેડિયમમાં લોન્ચ કરી હતી.
6.175 કિગ્રા અને 18 કેરેટ સોનાની મેલાકાઇટથી બનેલી આ ટ્રોફીના લેવલને અમુક ખાસ લોકોએ જ સ્પર્શ કર્યો છે. જેમાં ફિફા વર્લ્ડ કપના પૂર્વ વિજેતા અને હેડ્સ ઑફ સ્ટેટ સામેલ છે. જે તેને દીપિકા પાદુકોણ માટે ગ્લોબલ બેન્ચમાર્ક સેટ કરે છે. દીપિકાએ ઈવેન્ટમાં એક સ્પેનિશ ફૂટબોલરની સાથે એન્ટ્રી કરી, જેને જોઈને તમામનો ઉત્સાહ અલગ લેવલ પર પહોંચી ગયો હતો.
આમ તો ભારતમાં દીપિકા પાદુકોણનો અમુક લોકો પૂરજોશથી વિરોધ કરી રહ્યા છે. શાહરુખ ખાન સાથેની તેની અપકમિંગ ફિલ્મનો બહિષ્કાર કરવાની માંગ ઉઠી રહી છે. દીપિકાના ગીત બેશરમ રંગને કારણે આ વિવાદ ઉભો થયો છે. લોકોના અભિપ્રાય બે ભાગમાં વહેંચાઈ ગયા છે. ઘણાં લોકો ફિલ્મ અને ગીતનું સમર્થન કરી રહ્યા છે અને વિવાદને પાયાવિહોણો કહી રહ્યા છે. પરંતુ તેવામાં જ્યારે વૈશ્વિક સ્તર પર દીપિકાને આટલી મોટી તક મળી ત્યારે લોકોના મનમાં ચોક્કસપણે પ્રશ્ન ઉભો થઈ રહ્યો હશે કે દીપિકાની કેમ પસંદગી કરવામાં આવી?
સૌથી પહેલા ટ્રોફીની વાત કરીએ તો FIFA World Cupની ટ્રોફીનું વજન 6.175 કિલો છે અને તેને બનાવવા માટે 18 કેરેટ સોનાનો ઉપયોગ કરવામાં આવ્યો છે. આ ટ્રોફીની નજીક જવાની પણ મંજૂરી ઘણાં ઓછા લોકોને મળતી હોય છે. આટલુ જ નહીં, ચેમ્પિયન ટીમને પણ ઓરિજિનલ ટ્રોફી નથી મળતી. ઓરિજિનલ ટ્રોફી ફિફા ઓફિસમાં રહે છે.
દીપિકા પાદુકોણને ટ્રોફીનું અનાવરણ કરવાની તક આપવામાં આવી તેની પાછળનું કારણ રસપ્રદ છે. આ ટ્રોફીનો કેસ ગ્લોબલ લક્ઝરી બ્રાન્ડ Louis Vuittonએ તૈયાર કર્યો છે અને ડિઝાઈન પણ કર્યો છે. અને દીપિકા પાદુકોણ આ લક્ઝરી બ્રાન્ડની એમ્બેસેડર છે. આ સિવાય પણ દીપિકા અનેક ઈન્ટરનેશનલ લક્ઝરી બ્રાન્ડનો ગ્લોબલ ફેસ રહી ચૂકી છે. દીપિકા પાદુકોણનું નામ બે વાર TIME મેગેઝિનમાં પણ આવી ચૂક્યું છે. કાન ફિલ્મ ફેસ્પિટવમાં પણ દીપિકાની રેડ કાર્પેટ પર જબરદસ્ત એન્ટ્રી થતી હોય છે. તે આ ફેસ્ટિવલની જ્યુરી મેમ્બર પણ રહી ચૂકી છે. માટે દીપિકાને ગ્લોબલ સ્ટાર માનવામાં આવે છે.