XUV700 વિશે મહિન્દ્રાની ક્રેઝી વાત એ છે કે તેના પર 22 મહિનાનો વેઇટિંગ પીરિયડ છે. કંપનીએ અત્યાર સુધીમાં XUV700ની 1.5 લાખ બુકિંગ મેળવી લીધા છે. મહિન્દ્રાએ તેને ઓગસ્ટ 2021માં લોન્ચ કરી હતી અને 7 ઓક્ટોબરથી બુકિંગ શરૂ થયું હતું.. કંપનીએ તે સમયે દાવો કર્યો હતો કે પહેલા કલાકમાં જ 25,000 XUV700 બુકિંગ થઈ ગઈ હતી.
જબરદસ્ત માંગને કારણે આ SUV પર લગભગ 2 વર્ષનો વેઇટિંગ પીરિયડ છે. આનો અર્થ એ છે કે જો તમે આજે XUV700 બુક કરો છો, તો તમને તે 22 મહિના પછી મળશે. જેટલી તેની માંગ વધી રહી છે તેટલો વેઇટિંગ પિરિયડ પણ વધી રહ્યો છે. કંપની દર મહિને 8 થી 10 હજાર XUV700 બુક કરાવી રહી છે. મહિન્દ્રાએ ભારતમાં જૂન 2022 સુધી XUV700 ના 41,846 યુનિટ્સનું વેચાણ કર્યું છે. ઓગસ્ટમાં એસયુવીને લોન્ચ થયાને એક વર્ષ થશે. પ્રથમ વર્ષમાં જ XUV700 વેચાણની દ્રષ્ટિએ નવો રેકોર્ડ સર્જ્યો છે.
મહિન્દ્રા XUV700 ને લોન્ચ થયાના થોડા મહિના પછી ગ્લોબલ NCAP તરફથી 5-સ્ટાર સેફ્ટી રેટિંગ મળ્યું. તે જ સમયે આ કારમાં બાળકોની સુરક્ષાને લઈને 4-સ્ટાર સેફ્ટી રેટિંગ પણ છે. મહિન્દ્રા એન્ડ મહિન્દ્રાની આ બીજી કાર છે જેને આ એવોર્ડ મળ્યો છે.
જૂનમાં મહિન્દ્રા એન્ડ મહિન્દ્રા (M&M)ના એક્ઝિક્યુટિવ ડિરેક્ટર રાજેશ જેજુરિકરે જણાવ્યું હતું કે અમે દર મહિને 5,000 કારનું ઉત્પાદન કરી રહ્યા છીએ. હવે ઉત્પાદન કેપેસિટી દર મહિને 9-10થી વધુ કરવાની તૈયારીઓ ચાલી રહી છે.
XUV700 ને ઓપ્શન ઓલ-વ્હીલ-ડ્રાઈવ સિસ્ટમ પણ મળે છે. Mahindra XUV700માં કંપનીએ પેટ્રોલ અને ડીઝલ બંને એન્જિન ઓપ્શન આપ્યા છે. તેમાં ટર્બોચાર્જ્ડ mHawk ડીઝલ અને ટર્બોચાર્જ્ડ mStallion પેટ્રોલ એન્જિન ઓપ્શન મળે છે.
Mahindra XUV700 ની AdrenoX ઇન્ટેલિજન્સ સિસ્ટમ એલેક્સા વોઇસ AI સાથે કનેક્ટ કરીને વૉઇસ કમાન્ડ પર કામ કરે છે. તેમાં સોની સરાઉન્ડ સાઉન્ડ સિસ્ટમ, 360-કેમેરા સેટઅપ, વાયરલેસ ફોન ચાર્જિંગ અને ઇલેક્ટ્રોનિક પાર્કિંગ બ્રેક મળે છે.
Mahindra XUV700 ને બીગ પેનોરેમિક સનરૂફ મળે છે. Mahindra XUV700ની એક્સ-શોરૂમ કિંમત રૂ. 13.18 લાખથી 24.58 લાખની વચ્ચે છે. તે બે ટ્રિમ્સમાં મળી રહી છે. MX અને AX. તે 5 સીટર અને 7 સીટર ઓપ્શનમાં આવે છે.